Оросууд шинэ оны шөнө Киев рүү камикадзе дроноор довтолжээ

Шинэ жилийн шөнө Оросын арми "Шахед" камикадзе нисгэгчгүй онгоцоор Киев болон бусад хотуудад довтолсон гэж Украины эрх баригчид мэдээлэв. Түүнчлэн зарим эх сурвалжийн мэдээлснээр хэд хэдэн далавчит пуужингаар харвасан гэжээ. Тус улсын Агаарын цэргийн хүчнийхэн  шинэ оны шөнө тус улсын нутаг дэвсгэрт  45 нисгэгчгүй онгоцыг устгасан байна.

Гэхдээ Украйны арми Оросын бүх дроныг устгасан уу, эсвэл зарим нь байндаа хүрч чадсан уу гэдгийг тодорхой хэлээгүй ч 2022 онын сүүлчийн шөнө 13 дрон, 2023 оны эхэнд 32 нисгэгчгүй онгоцыг устгасан гэжээ. 

Оросын нисгэгчгүй онгоцууд эрчим хүчний дэд бүтцийн байгууламжуудыг онилсон байсан  гэж Киев мужийн захиргааны дарга Олексий Кулеба Telegram сувагтаа бичжээ. Тэрбээр мөн "Хүний ​​амь эрсдээгүй. Дэд бүтцийн байгууламжид гэмтэл гарсан. Онцгой байдлынхан ослын газар шөнөжин ажилласан" гэж бичжээ. 

Гэсэн хэдий ч Киев хотын дарга Виталий Кличко хэлэхдээ, оны сүүлийн шөнө иргэний дэд бүтэц эвдэрч, 20 оршин суугч гэмтэж, нэг хүн нас барсан. 14 хүн эмнэлэгт хүргэгдсэний дотор хотын төвийн нэгэн зочид буудалд амьдарч байсан Японы сэтгүүлч байна. Пуужин харвасны улмаас зочид буудал хэсэгчлэн сүйрсэн гэж мэдээллээ.

Агаарын довтолгооноос хамгаалах хүчнийхэн хотод ойртож байх үед нь агаарын долоон байг устгасан гэж Киев хотын захиргаа мэдээлж байгаа ч хотын дөрвөн дүүрэг, тэр дундаа төв дүүрэгт пуужингийн хэлтэрхий унасан байна. 

Эх сурвалж: ВВС